L’aragonés en as eleuzións a Reutor de Zaragoza

«Saber y saber-lo contrimostrar, ye saber dos begadas» (Baltasar Gracián)

6842763530 f969011203 - L'aragonés en as eleuzións a Reutor de ZaragozaO pasau mes, o diya 21 de febrero, se zelebró o Diya d’a Luenga Materna, adedicau a trucar o ficazio d’a perdida de luengas y d’a dibersidat cultural en o mundo. En Aragón, no somos mica foranos a ixa reyalidat. Asinas, somos una comunidat en a que uno de ixos diasistemas lingüisticos, o de l’aragonés, ye en grau pelingro. Ista situazión ye reflexada en documentos internazionals, como l’Atlas d’as Luengas Menazadas editau por a UNESCO, y europeyos, como a Carta Europeya d’as Luengas Minoritarias u Rechionals, feita por a Comisión Europeya, antiparti de en documentos autonomicos como a Lei de Luengas. A perdida d’ista luenga suposaría a perdida d’un riquizo patrimonio cultural, mirallo a la suya begada d’a nuestra istoria y mesmo idiosincrasia. As estruturas de pensamiento propias y asoziadas a iste idioma se cazegarían, tresbatindo asinas una graniza fuen de conoximiento y estudio.

Con tot y con ixo, a luenga aragonesa ye sofrindo d’una manca de dignificazión motibada por esferens ragons. Por un costau, una entibocada identificazión con o bulgar, reforzada por o enrastre e identificazión con o castellano d’Aragón. Por atro costau, un contino emplego politico d’a luega, muitas begadas ta enrestir-la.

Asinas, mientras o desembolique d’a campaña eleutoral t’as beniéns eleuzións a Reutor d’a Unibersidat de Zaragoza, la Asoziazión Cultural O Trango dezidió de prenzipiar una comunicazión con os candidatos a Reutor d’a instituzión con a fin de conoixer aquellas midas que a Unibersidat de Zaragoza lebaría a cabo ta aduyar en o prozeso de normalizazión da luenga aragonesa, con a respuesta positiba emitida por parti de l’autual Reutor y candidato en as beniéns eleuzións, Excmo. Sr. D. Manuel López Pérez, que se ha amostrau disposau a ascuitar as suyas proposas, afirmando que “he querido recoger vuestra inquietud y así en el apartado 7 (cultura) se indica: «Apoyo a las actividades culturales y académicas relacionadas con la identidad aragonesa»”.

De bez, o Reutor ha remerau a contribuzión que a Unibersidat de Zaragoza ha feito mientras o suyo mandato t’a normatibización d’a luenga aragonesa, con o rezién creyau Diploma de Espezializazión en Filolochía Aragonesa. Pero, a penar de que ista aizión suposa un gran trango t’a dignificazión y estudio d’ista luenga en periglo, a Unibersidat de Zaragoza, como instituzión neutral y de referenzia cultural, ye un organismo clau que podría ufrir una gran aduya t’a normalizazión y sozializazión d’a luenga aragonesa.

Por tot isto, ye de agradixer a adopzión de compromís d’o candidato Manuel López con a cultura y a riqueza lingüistica aragonesas asperando, asinas mesmo, que l’atro candidato, José María Gimeno Feliu, se prenunzie en o tocán a la luenga aragonesa.

Comments (3)

  1. Estimada María:

    Nadie dice que aquellos que no hablan o, mejor dicho, no conocen la lengua aragonesa se sientan (o deban sentirse) menos aragoneses, ni mucho menos. Pero hay que entender que hay personas que desean y que deseamos indagar y conocer dicha lengua para extraer toda la cultura aragonesa, y la Universidad de Zaragoza, con el Excmo. Sr. D. Manuel López a la cabeza, tiene la responsabilidad de liderarlo, como fuente del conocimiento que es.

    Un saludo y gracias por tu comentario.

  2. María García dice:

    No nos engañemos, los aragoneses que hablan la lengua autóctona son una minoría, no tenemos conciencia de ella ni, yo por lo menos, nos sentimos menos aragoneses.

  3. Pingback: Bitacoras.com

Deja una respuesta

Tu dirección de correo electrónico no será publicada.